حضارة شبه الجزيرة العربية

السلام عليكم ورحمة الله
أعود لكم بهذه القصيدة التي نظمتها وانا في حالٍ لا يعلمها إلا الله
وهي تتحدث حالنا في هذه الدنيا
بصورة مختصرة منذ إنهدام سد مأرب إلى يومنا هذا
أتمنى أن تنال إعجابكم وترتقي إلى أذواقكم




حياة الناس والدنيا تمر وفيها مثل حلوم=وفيها ينطلق فكري واترجمها بقيفاني
خطر في بالي سد مأرب بعد عزه غدا مهدوم=وشتت كل من كانوا عرب من أصل قحطاني
ومنهم هاجرت جرهم بعد سد انهدم مردوم=وشافوا بالسما طيرٍ على مكه يا وجداني
وفي وادي بلا زرعٍ لقوا هاجر تحت لغيوم=لا بيت ولا ملجأ وكانت والله تعاني
وهي أم لنبي وزوجة خليل الله أبولقروم=تركها في بطن وادي وعود بيته الثاني
ومن نسل النبي يظهر عرب وبلاد وكمن قوم=وصارت العرب تنسب لقحطاني وعدناني
وكانوا يعبدون الله ومافيهم كفر وهموم=إلى ان صار سيدهم ابو فكره وعلماني
جلب لأصنام من رحلة تجارة في بلد مزحوم=وقال الواسطه بيني وبين الله الوثاني
وبعدها ذلهم ربي وزمزم اندفن مركوم=وكان الكنز في وسطه من الاموال ماكني
وصارت العرب تتبع أهل فارس ولا الروم=وكانوا يخدمون الي عبد ناره ونصراني
تقوم حروب بالدنيا وكم طفل غدا محروم=ابوه الي ذبح عمه ومن كسرى غدا جاني
وشبت فتنة الدنيا وفيها الندم معدوم=وكسرى جالس بقصرة وقيصر ينشد اغاني
ومن قصة غزى مكه أبو فيل وخشم مشروم=وعذب ربنا الحبشي وحمى بيته من العاني
وفي عام الغزو الدنيا شهدت نور ومعاه علوم=تحقق وعده السامي بظهور أحمد بعرباني
وربي أدب محمد وبين اهله غدا محشوم=وصاروا يستشيرونه أهل مكه بإيماني
شهد له من بني هاشم وكل مكه وبني مخزوم=حليمٍ صادقٍ وافي أمين وكله آماني
وفي ليله وسط غاره سمع صوتٍ سلب لغزوم=يقول ((إقرأ)) وهو امي بعيد وكان وحداني
رجع خايف وصل بيته ومن خوفه غدا محموم=يقول الأمنا غطي جسد من خوفه يعاني
وربي ثبت قليبه ومن وحيه غدا مدعوم=وبدا يدعي لدين الله لقاصي الناس والداني
وبعد ما كان صادقهم وقاضيهم غدا مشئوم=وقالوا شاعر وساحر ويمكن صابه جناني
وفي ليله بغوا ذبحه يحسبون النبي مهزوم=وكلٍ أشهر سلاحه جهل منهم وخزياني
ظهر من بينهم يمشي وماهمه عدد لخصوم=وهاجر وجهته طيبه ودعا ربه بسلواني
وظهر نور الهدى منها وفتح مكه وارض الروم=وكسرى ولى من قصرة زبن للهند خسراني
وغدا كل البشر واحد ومامنهم ابد مظلوم=عجم وأعراب مافرق كتاب الله والإيماني
ومر الوقت والدنيا بدا يرجع عليها اللوم=وبدا يرجع جهل أول من فرقه وعدواني
رجعنا نفتخر انا عرب وانا أهل لسلوم=وباقي الناس بالدنيا تميزهم بلألواني
عرب تبني تعصبها تغذي طفلها به دوم=وصرنا مصري وسعودي وبحريني وسوداني
وصرنا نسمع اخبارٍ عن حروب بسبب لرخوم=الا يارب انصرنا ووحد قلب أقراني
وحدتنا بدين الله تبي ترجع يجيها يوم=فتحنا القدس وانوخذت وموعدنا بزمن ثاني
وسكن من حولنا شعبٍ فقير ومعدمٍ محروم=وحنا ماتكلفنا وتصدقنا على اخواني
وصرنا نطلب الشهوه نسينا قلبنا المحكوم=بشرع الله وكتاب الله ثبتني يا سلطاني
نسينا قبرنا ونارٍ شجرها اسمه الزقوم=وثمرها وصفه ربي شبيه لراس شيطاني
وجنه صاغها ربي بها حور وخمر وكروم=وفيها من نعيم الله عجز عن وصفه لساني
بعد في مشكله تقهر ووالله فعلها مذموم=وهي انا في بيت الله بدينا نسمع ألحاني
أغاني في مساجدنا جلبها ساهيٍ مكتوم=جهاز بجيبه يغني ويصرخ فيه فناني
الا يارب ثبتني على دينك وشرعك دوم=وباعد بيني وذنوبي ولا تجعلني شهواني
عساني بدنيتي عابد و بالجنه انا مخدوم=الا يارب ارحمني إذا لفوني بأكفاني
أنا عبدك ولود عبدك وقلبي صاغر ملطوم=وقربني ياربي لك وأرجو ربي غفراني
وساعدني على نفسي ويسر لي صلاة وصوم=واختم دنيتي بذكرك وارحم نسلي وأبواني
وصلى الله على محمد رسول ابو ظهر مختوم=ظهر في آخر الدنيا يتميم وكان وحداني.


منقول للأمانه